r/Egypt • • Sep 18 '26 Bravo

Rant متعصب أي حد ماشي يقول الشعب هو المشكلة والشعب يستاهل والشعب مفيش منه رجا فا هو شخص دوني ضد نفسه وضد بلده وجيناته ومسؤولية أي حد إنه لما يقابل الناس دي يرد عليها ويخرسها عشان الناس دي مبتخدمش أي حاجة غير خطاب النظام والحاكم ذات نفسه

Post image
63 Upvotes

في 2011 بعد الثورة الناس كلها نزلت تنضف الشوارع، وعملنا جروبات على فيسبوك والناس لمت من بعض قرشين وراحوا جابوا بويا ودهنوا الأرصفة أبيض وأسود عشان حسينا إن البلد دي بتاعتنا (بجد)، وأنا كشاب صغير وقتها كنت حاسس إن الهوا نفسه متغير، كنت حاسس إن في إعلان عام كدا من جوانا كلنا إن محدش من جواه متقبل الفساد، وبدأ يظهر شعارات زي متدفعش رشوة ومترميش زبالة، ولما يحصل حاجة فيها فساد عيني عينك قدام الناس كان الناس بتقول "أومال إحنا عملنا ثورة ليه؟" وفعلًا بيحاولوا يمنعوها، وكان في موجة قوية جدًا جدًا إن الناس عايزة تحس إنها "بني آدمين"، اللي هي الكلمة اللي أي حد بيسافر بيقولهالك وهو على باب المطار، "عايز أحس إن أنا بني آدم"، السؤال دلوقتي بقى الكلام دا راح فين؟

من الموجة دي، لحد 2026 دلوقتي، مفيش أي حد مسؤول عن جهضها غير الحكومة والنخب السياسية، قولًا واحدًا، لما يبقى عندك 80 مليون بني آدم جزء كبير منهم شاف بعينه نظام بقاله 30 سنة بيتشال من جذوره، وناس بالملايين عايزة تشوف بلدها بتنضف، وييجي ناس تمسك البلد أنت من جواك عارف كويس أوي، أوي أوي، إنهم فسدة، ولا حاولوا يطبقوا القانون، ولا حاولوا يحاسبوا الداخلية، ولا عملوا قانون منع للرشاوي ولا للواسطة، ولا سمحوا بمجلس شعب مستقل ولا سمحوا حتى بإتحادات طلاب نزيهة في الجامعات، وحتى القضاء مترحمش ومفيش استقلال للقضاء ذات نفسه، يبقى مين المسؤول عن دا؟ الشعب برضو؟

حييجي حد عبقري دلوقتي يقولي مهو اللي بيحكم من الشعب، أيوة وهو في شعب مفيهوش ناس فاسدة؟ هو ترامب دلوقتي وهو بيلعب في بورصة أمريكا وفي الضرايب الجمركية عشان يكسب صحابه من البزنيس مليارات مش فاسد؟ ولما فشخ اقتصاد أمريكا بدخوله حرب إيران عشان يخدم إسرائيل مش فاسد؟؟ ومع ذلك أمريكا دولة عظمى واقتصادها وقوانينها وعدالتها الاجتماعية وبنيتها التحتية أحسن مليون مرة من مصر، مش لأي حاجة غير بسبب إنها بقالها عقود إن مكانش قرون ماسكها ناس عملت نظام بيمنع إن الفساد دا يكمل، بنظام اسمه فصل السلطات واستقلال القضاء وانتخابات نزيهة وانتخابات محلية، بحيث لما ييجي أي حد يحاول يبقى دكتاتور ويفسد أساسًا ميعرفش يكمل، ميعرفش أصلا يغير من نظام الحكم في حاجة، ميعرفش يجيب أخوه يمسكه الرقابة الإدارية زي حمادة بتاعنا، ميعرفش يجيب ولاده يمسكهم المخابرات العامة، طب يعني برضو الحل إيه؟ وإزاي العيب مش في الشعب؟

الحل إن بدل ما كان يمسك السيسي، اللي هو أثبت إنه فاسد وأجهض رغبة المصريين في الإصلاح الحقيقي والـ"نضافة" هو إن كان يمسك حد تاني عنده رغبة حقيقية في دا، ويبدأ يطيح بالدولة العميقة المصرية اللي هي فاشخانا بقالها 70 سنة لحد ما تنضف، ومحدش يقولي محمد مرسي عشان محمد مرسي برضو أجهض الثورة حتى لو كانت نيته خير بغباؤه وضعفه السياسي وانحيازه لجماعته.

فا بعد إذن أي حد مصري عامل فيها فاهم، متشتمش في بلدك ولا شعبك، تاني، متشتمش شعبك عشان دا هو اللي هما بيحبوه، ييجي يعملك حاجة والناس تبوظها يقوم يقولك شوفت أهوه؟ أدينا بنعملكم وانتوا بتبوظوها، انتوا شعب جاهل معفن، طب ما يا ابن الوسخة أنت اللي مجهل الناس، أنت اللي قاهرهم، أنت اللي محسسهم إنهم ملهومش لازمة ومانع عنهم المشاركة في المجتمع المدني نفسه حتى مش الحكم،

احترم نفسك وكرامتك شوية ووجه صباع اللوم على المسؤول.

r/Egypt • • 29d ago

Rant متعصب امين شرطة صور بطاقتي في كمين

215 Upvotes

كنت رايح القاهرة في عربية وكنت نايم فصحاني وبص في تليفوني ملقاش حاجة ومشاني وانا خلاص هركب العربية قالي هات بطاقتك وصورها (هو وقفني عشان كنت مربي لحيتي) وبعدها باسبوع امت الدولة كلمتي في التليفون ورحتلهم وقعدوني شوية بس الحمدلله كان عندنا معرفة وخرجت (قالي كانو هيدبسوني في قضية و اخدو حد مكاني وطبعا اخدو رشوة ) ومن ساعتها وكل فترة نفس الامين يكلمني وأفكره ان انا اللي طلعت من كذا وكذا ويقولي خلاص متجيش

انا كرهت الدولة دي حرفيا ومن ساعتها وانا قاعد ادعي عليهم كلهم اكتر ما بدعي على الصهاينه

هو انا كدة لما اجي اسافر ان شاء الله من غير رجعة الموضوع دة ممكن يعملي مشاكل؟ في حاجة عليا؟ انا قلقان عشان كلمني مرتين من بعد ما خرجت اول مرة

الا لعنة الله على الظالمين

r/Egypt • • 21d ago

Rant متعصب مين من مدرسينك تحب توجه ليه الرسالة ديه ؟

Thumbnail
gallery
186 Upvotes

"أنت شخص حقير و مش حنسي حقارتك أبدآ" مين من المدرسين الي درسوك خلال مسيرتك في التعليم تحب توجه ليه الرسالة ديه

r/Egypt • • Jun 20 '26 Regret Heartwarming

Rant متعصب هو انا لو ظابط اقدر اعتدي على الناس عادي؟

272 Upvotes

طب ما طالما كده ما طز بقا ما كنت ادخل شرطة و ابقي ظابط و

ده مش انا انا لقيت البنت دي منزلة الفيديو صعبت عليا

ابطلج على الناس و اطلع بمصلحة و كده كده حتي لو حد اتهمني و انا اللي غلطان كله هينحاز ليا و خلاص

هو كل شوية نسمع عن حد شرطة يعتدي على واحد و عادي زي الراجل اللي داس ست و عيل صغير في مدينتي باين او حاجة كده

انا قرفت من مصر

r/Egypt • • Oct 17 '26

Rant متعصب كنت هتحبس عشان ضربت متحرش!

78 Upvotes

!!! مش بحكي عشان ابين اني جامد انا بشارك موقف بس !!!

من اربع ايام كنت رايح درس و في المواصلات كنت قاعد ورا و قدامي بنت حوالي 23 سنه جمبها راجل تلاتيني تقريبا لابس بدله و عليها لوجو شركة سياحه مش فاكر اسمها ايه بصراحه

المهم ان الراجل ده كان قاعد كل شويه و يتلزق ف البنت و هي تبصلو ب قرف و تقولو ابعد و استمر الموضوع ده حوالي عشر دقايق و انا بحاول امسك نفسي عشان ممسكش فيه و احنا ف المكروباص و اتضرب انا ف الاخر بما انو ك بنيه اكبر مني بكتير لغايت لما جت تنزل قام لمسها من ورا و هي شتمتو ف ساعتها في راجل عرص ضحك ف لما شفت الخرا ده اتبضنت و نزلت اتخانقت معاه بس طبعا فرق الحجم بيني و بينو مخلانيش عارف أأثر فيه جامد بس ف الاخر كنت ضاربو و مناخيرو نزفت بعد ما الناس حجزت ما بيننا و المكروباص مشي و كان معانا اتنين بيحجزو بيننا المعرص ده قام قعد يتكلم ف الموبايل شويه بعدها ب ربع ساعه و انا بحاول اخلع من المتناكين اللي ماسكينني بما اني فهمت انو عندو علاقات و هتفشخ انا ف الاخر معرفتش اهرب برضو و ودوني القسم و جابو ابويا و خلصت على صلح عشان ولاد الكلب اللي المفروض شاهدين مرضوش يشهدو انو كان بيتحرش بيها و طلعت انا الغلطان ف الاخر

حبيت احكي الموقف ده عشان تعرفو الدنيا بتمشي ازاي لو انت راجل و مش بتغمز نفسك لما تشوف متحرش و انها هتيجي على دماغك ف الاخر

r/Egypt • • Aug 17 '26

Rant متعصب Racism against Khaleejis in Egypt

0 Upvotes

Idk if it’s just me or this is a thing now in Egypt, I’m someone who comes very often to cairo since i studied there before and have a lot of friends and throughout the years I’ve never experienced any kind of racism until my last visit last month, i spent most of my time in tagamo3 and i felt that i was getting discriminated against in stores,cafes and pretty much anywhere i go weather it’s the looks i get or the attitude of the staff, it’s not normal at all and i don’t know how to describe it, everyone who was with me on that trip felt the same, everyone was looking down on us and judging us in a weird way and to top it off whenever i get matched with someone on a dating app and they would somehow know where i am from they would start attacking me and bring stereotypes about my people, it’s so weird and uncomfortable, i love Egypt so much and i do consider it a second home but this experience really played with my head.

r/Egypt • • Sep 17 '26 Bravo

Rant متعصب هما الآباء المصريين عارفين أن مسموح لهم يحبوا عيالهم الولاد؟

Post image
270 Upvotes

أنا بقول ده لأن عدد مش قليل منهم كانوا و لازالوا بيتصرفوا و كأن إظهار الحب أو العاطفة لأبنائهم الذكور حاجة مُحرمة أو جريمة مفيش حاجة منعاك أنك تأخذ أبنك و تأكلوا أيآ كان العك ده ، مفيش حاجة منعاك أنك تشتري لإبنك حاجة بيحبها، مفيش حاجة منعاك أنك تقول لإبنك كلام حلو أو تشجعه و الأهم من كده مفيش حاجة أنك تظهر حبك في العلن لإبنك قدامه و قدام الناس بأنك تحضنه أو تقبله أنت كأب الي بتحط القواعد و القيود ديه علي علاقتك بأبنك و بتحرمه من الحب و العاطفة الأساسيين لنضجه و بتحرم نفسك من علاقة كويسة معاه .

الكل عارف أن أصل الطريقة ديه في التربية هو إعتقاد الآباء أن إظهار الحب لأبنائهم هو عمل مش رجولي أو مش هيطلعهم رجالة هيخليهم "ناعمين" ذي ما بيقولوا و بالرغم من الأفكار ديه لسه حاضرة و بيتم مشاركتها أعتقد أن السبب أعمق من كده شوية . الرجالة دول بيخلطوا مبين علاقتهم الرومانسية و ما بين الحب الأبوي الي بيظهروه لبناتهم و ده مش صحي إطلاقآ لأنهم المفروض يكونوا شيئين مختلفين تمامآ و السبب في ده أن ربما الحب الرومانسي هو الحب الوحيد الي جربوه في حياتهم هما غالبآ مشفوش حب أبوي أو حتي أموي في حياتهم بشكل كويس و ده مأثر علي الطريقة الي بيتعاملوا بيها مع ولادهم .

الحل مش صعب أوي الرجالة دول محتاجين يكونوا صريحين مع تجارب طفولتهم و يتأكدوا أنهم ميكرروش الحاجات السلبية الي تعرضوا لها و ممكن يقرئوا لهم كتاب أو إتنين عن التربية من مصدر معتمد أو حتي يطلب النصيحة و المساعدة من الأم و الوضع هيكون كويس .