r/Libya • • 13h ago

News Our man has gained some fame.

Post image
9 Upvotes

r/Libya • • 12h ago

Discussion فشلت الخطه, ولاكن حنحناول مره ثانيه

Post image
4 Upvotes

عمري حاليا 21 عام.
قبل 7 اشهر, قررت اني نتغرب ونبدأ حياه جديده, بعت سيارتي, وقتها كان ليل,
نهار اليوم الثاني شريت دولار وحجزت تذكرت طيران متوجه ل تونس من مطار بنينا, وبدون ما نقول لحد.

وصلت ل تونس, كنت متوتر بكل , اول مره في حياتي نركب طياره ونسافر, فكرت وقتها اني حنقعد اسبوع باش نقرر اي دوله نمشيلها ونبدأ نقدم في السفاره, لاكن في الأسبوع الاول غيرت رأي, بديت نتعمق في الحسبه لقيت ان في مخاطره وان المبلغ ميكفيش وان اللجوء مش الشي اللي نبيه, فقررت اني نتغرب 6 اشهر بين تونس والجزائر ونشوف هل نقدر نتأقلم مع الغربه او لا.

ومع ذلك كنت ديما نقدم في طلب تطوع في برامج التبادل الثقافي الاوروبي, لاكن منقبلتش في ولا برنامج.

عشت في تونس 3 اشهر, كاين روتيني عباره عن اني نوض صبح ساعه 7, نفتح في لابتوب ونحضر في كورسات ع النت, ووقت الظهيره كنت نمشي ل مقهى قريب مني وناخذ معايا في اللابتوب ونقرا لغه انجليزيه لمدة ساعه في المقهى, وفي العشيه نطلع ندهور في البلاد,

وبعد ما خلصن ال 3 اشهر, خذيت حافله من تونس العاصمه الى عنابه الجزائه, مدينه جميله جدا في شرق الجزائر, فيها افضل كورنيش شفته في حياتي, وبعدها مشيت للعاصمه الي فاقت توقعاتي من جمالها, واغلب مدن ساحل الجزائر زرتها وبنيت حتى علاقات.

قعدت 3 اشهر في تونس و3 اشهر في الجزائر.
وفي الأخير روحت لليبيا محبط اني مقدرتش نستقر في الخارج, ونفس الوقت, السفر وحدي علمني حاجات واجد وخلاني نكتشف ذاتي, وكانت افضل تجربه عشتها في حياتي.

حاليا قاعد ندرس في الموضوع ونحاول نجمع فلوس ونطور من نفسي, في اللغه الانجليزيه والتسويق ونتعلم في مجالات اخرى, لأن الجامعه مقتنعتش بيها الحق.
وان شاءالله المحاوله الجايه حتكون في 2028 وبأذن الله حننجح فيها, وحتى لو اضطريت اني نطلع عن طريق دراسه, حناخذ الخطوه ونتوكل ع الله.

حاليا سؤالي للناس الي عندها خبره, هل يوجد طريقه اني نستقر في الخارج بأقل تكاليف وبدون لجوء؟
ونفس الوقت حاليا عاطي نفسي سنه كامله بيش نخطط ونحاول نجمع مبلغ, شنو الشي اللي تنصحوني نديره خلال السنه هذي اللي يمكن يساعدني مستقبلا؟


r/Libya • • 19h ago

Discussion اليش اللي قتل عياله الاثنين

Thumbnail
gallery
4 Upvotes

في مصر الشيخ هذا قتل عياله الاثنين بيديه تخيلوا !
يضرب فيهم لعند واحد مات على طول و الاخر شالوه للمستشفى و مات غادي

جريمة و الشخص هذا مختل عقلياً و المفروض يتعاقب اشد عقاب

الغريب و هذا اللي جاي نحكي عليه انه فيه ناس تدافع عليه بس لانه شيخ و يصلي !

قصدي كان هكي الدين count me tf out

و جاك الشيخ عبدالله رشدي اللي اي ترند لازم يحط فيه بصمته و قال انه المفروض ماتربطوش بين الدين و الجُرم و اللي هو كلام صح و fully agreed و بعدها فيه حد ملحد انتحر بسبب اكتئاب و كان عنده bipolar على طول نزل و ربط الالحاد بفعل الشخص هذا

و زين يقولك هذينا اخطاء الشخص و ليس الدين ، بس لو الدين محرم ضرب الاطفال را شخص مغسول الدماغ زي هذا مكانش حيدير هكي ، انت عطيت لحد مريض نفسي عُذر انه يضرب عياله و يقولك مكانوش يصلوا او اي عذر غبي زي هذا

طبعاً منبيش نحكي على التعليقات عشان i might get arrested كمية جهل و تقديس لناس يعني حاجة مش طبيعية


r/Libya • • 3h ago

Question vinyls

1 Upvotes

where can i find vinyls in tripoli? preferably libyan artists. i have a record player i would like to put into use :)


r/Libya • • 5h ago

Discussion للاعبين وأصحاب الملاعب

1 Upvotes

توا حجز الملاعب عندنا يتم عن طريق الاتصال على رقم صاحب الملعب، وبعدين دفع كاش أو تحويل. وأنا نفكر اندير موقع/برنامج يسهل الموضوع

الفكرة: موقع/برنامج يعرض الملاعب بالصور والأسعار والموقع، وتقدر تطلب وقت للحجز وتقدر تشوف الاوقات الفاضيه

للاعبين: الاستخدام مجاني

شن أكثر حاجة تزعجكم في الحجز توا؟ و كان في برنامج بيش تحجز بتستخدمه؟

لأصحاب الملاعب: ملعبك يظهر لناس، وتستقبل طلبات الحجز في مكان واحد. أول فترة مجاناً، وبعدها اشتراك شهري بسيط. شن رأيك في الموضوع؟ بتستخدمه؟

طبعا حاليا فكرة بس وكانه يساعد الاعب وصاحب الملعب أن شاء الله حانبني وكان عندكم اقتراح عادي قول

نبي ردود صريحة، حتى لو قلتوا مش ضروري منه.


r/Libya • • 12h ago

Question Is trading halal ?

Thumbnail
1 Upvotes